Introduction

ၵၢပ်ႈပၢၼ်ၼႆႉ လဵပ်ႈႁဵၼ်းလွင်ႈၶိုၼ်ႈယႂ်ႇပၢႆးထဵၵ်ႇၶ်ၼူဝ်ႇလူဝ်ႇၸီႇတၢင်းလႂ်ၵေႃႈ ပိူၼ်ႈၶဵင်ႇတႃႉၵၼ် လွင်ႈတၢင်းၶိုၼ်ႈယႂ်ႇ AI ယူႇၵူႈၽၢႆႇၽၢႆႇ။ AI ဢၼ်မီးလွင်ႈတုမ်ႉယွၼ်ႈသုတ်းၼႂ်းၶၢဝ်းတၢင်း 4-5 ပီမႃးၼႆႉ ပဵၼ်ဢၼ်ႁွင်ႉဝႃႈ Large Language Model ပဵၼ် AI ဢၼ်ၵတ်ႉၶႅၼ်ႇၽၢႆႇထုတ်ႇဢွၵ်ႇ (generate) လိၵ်ႈလႆႈ လူၺ်ႈမီးတၢင်းႁူႉ လႄႈၵပ်းငဝ်ႈၵပ်းပၢႆၶေႃႈၵႂၢမ်း (မိူၼ်ၵူၼ်းတႅမ်ႈ)။ လွင်ႈၼႆႉၼႆ ပဵၼ်းယိူင်းမၢႆသုင်သုတ်း ၼႂ်းၵၢၼ်ၸႂ်ႉတိုဝ်းလိၵ်ႈလၢႆးလႄႈၶွမ်ႇၽိဝ်ႇတိူဝ်ႇႁူမ်ႈၵၼ် ပိူင်ၼိုင်ႈၵေႃႈ ႁဵတ်းႁႂ်ႈ လိၵ်ႈလၢႆးၼၼ်ႉမီးတီႈၸႂ်ႉတိုဝ်းလၢၵ်ႇလၢႆးမႃးထႅင်ႈ ဢိၵ်ႈလူၺ်ႈႁဵတ်းႁႂ်ႈ လိၵ်ႈလၢႆးဢၼ်ၸၢင်ႈၸႂ်ႉတိုဝ်းၼၼ်ႉ ၵႅၼ်ႇၶႅင်လႄႈလႆႈတၢင်းၶိုၼ်ႈယႂ်ႇမႂ်ႇသုင်မႃး။ တွၼ်ႈတႃႇလိၵ်ႈတႆးၼၼ်ႉ ၸဵမ်းၽူႈၸႂ်ႉတိုဝ်းလိၵ်ႈလၢႆး ဢေႇလူင်းၵူႈပၢၼ်ပၢၼ်လႄႈ လွၵ်းလၢႆးၸႂ်ႉတိုဝ်းလိၵ်ႈႁဝ်းၵေႃႈ ၵႅၼ်ႇပိူင်ႈၵၼ်သၢမ်ဝၢၼ်ႈၸဵတ်းဝၢၼ်ႈ ဢမ်ႇမိူၼ်ၵၼ်သေတီႈ။ ထႅင်ႈသွင်သၢမ်ပၢၼ်မႃး ပေႃးဝႃႈလိၵ်ႈလၢႆးတႆးဢမ်ႇၸၢင်ႈၸႂ်ႉတိုဝ်းလႆႈလီလီၼႂ်း IT ၼႆၸိုင် တိုၼ်းလၢတ်ႈလႆႈဝႃႈ လုၵ်ႈလႃႈပၢၼ်လိုၼ်းၶဝ်တေဢမ်ႇမီးၽႂ်ၸႂ်ႉတိုဝ်ယဝ်ႉ ၼႆၵေႃႈၽႂ်တေၸၢင်ႈထဵင်လႆႈ။