Vision & Aim (ယိူင်းဢၢၼ်း)
ၵွပ်ႈႁၼ်ထိုင်ယိူင်းမၢႆလႄႈလွင်ႈၶဵင်ႇတႃႉဢၼ်ၼႆႉသေ ယူႇတီႈၸုမ်းႁဝ်းႁႃ (HaoHaa) သေလႆႈၶတ်းၸႂ် ၵၢၼ်ပၢႆးထဵၵ်ႉၶ်ၼူဝ်ႇလူဝ်ႇၸီႇ လႄႈလိၵ်ႈလၢႆးတႆး ၸွမ်းၼင်ႇဢၼ်ၽူႈလူင်ႉလႅၼ်ႇၶဝ် ယၢမ်ႈႁဵတ်းမႃးဢွၼ်တၢင်းၼၼ်ႉ လိၵ်ႈတႆးၸႂ်ႉတိုဝ်းလႆႈၼႂ်းၶွမ်ႇၽိဝ်ႇတိူဝ်ႇလႄႈၾူၼ်းယဝ်ႉၼႆၵေႃႈ ထုၵ်ႇလီၶတ်းၸႂ်သိုပ်ႇၵႂႃႇ ႁႂ်ႈၸႂ်ႉတိုဝ်းလႆႈၼႂ်းၵၢပ်ႈပၢၼ် AI ထႅင်ႈ။ ၵၢၼ်လဵပ်ႈႁဵၼ်းလႄႈႁဵတ်းႁႂ်ႈလိၵ်ႈတႆးၶိုၼ်ႈယႂ်ႇမႂ်ႇသုင်ၵႂႃႇၼႂ်းပၢၼ် AI ၼႆႉၼႆၵေႃႈ ၵေႃႉလဵဝ် ၸုမ်းလဵဝ် တိုၼ်းဝႃႈဢမ်ႇၸၢင်ႈႁဵတ်း၊ လူဝ်ႇလွင်ႈသၢၼ်မိုဝ်း ယွၼ်းယိုၼ်ႈတၢင်းၸွႆႈထႅမ်တီႈၵူႈမူႇၵူႈၸုမ်း ၵူႈၵေႃႉၵူႈၵူၼ်း ဢၼ်ႁဝ်းၶႃႈၸၢင်ႈယိုၼ်းထိုင်လႆႈ။ ၸဵမ်လွင်ႈၵတ်ႉၶႅၼ်ႇၾၢႆႇလိၵ်ႈလၢႆး၊ လွင်ႈၵတ်ႉၶႅၼ်ႇၾၢႆႇ IT၊ ၶေႃႈမုၼ်းလိၵ်ႈလၢႆးဢၼ်ၵဵပ်းသိမ်းပၢၼ်သိုပ်ႇပၢၼ် လႄႈ ၶေႃႈၵႂၢမ်းဢၼ်ၸႂ်ႉတိုဝ်းလၢတ်ႈတေႃႇၵၼ်ယူႇၵူႈဝၼ်းၼႆႉ လႆႈဝႃႈမီးၵႃႈၶၼ် လီၵဵပ်းမႃးပဵၼ်ငဝ်ႈၶၢမ်ႇတၢင်းႁူႉၾၢႆႇလိၵ်ႈလၢႆးသေ ၵဵပ်းသိမ်းၶေႃႈမုၼ်းလူၺ်ႈလွၵ်းလၢႆးသွၼ်ပၼ် AI ၼႆယူႇၶႃႈ။
ႁဝ်းၶႃႈလူဝ်ႇတၢင်းၸွႆႈထႅမ် လႄႈယွၼ်းသၢၼ်မိုဝ်းၵူႈၸဝ်ႈၵူႈၾၢႆႇ တႃႇတေပဵၼ်မႃးလွင်ႈၶိုၼ်ႈယႂ်ႇလိၵ်ႈတႆး လူၺ်ႈၵၢၼ်လဵပ်ႈႁဵၼ်းလႄႈၶူင်သၢင်ႈ (Research and Development) ၶူင်းၵၢၼ် NLP (Natural Language Processing) တွၼ်ႈတႃႇလိၵ်ႈတႆး ၸွမ်းၼင်ႇၽိုၼ် Presentation ၼႆႉၶႃႈ။